ՀԱՅՏԱՐԱՐՈՒԹՅՈՒՆ

ՀԱՐԳԵԼԻ՛ ՈՒՍԱՆՈՂՆԵՐ

Պարույր Սևակի 100-ամյակի կապակցությամբ ՀՀ կրթության, գիտության, մշակույթի և սպորտի նախարարությունը և Պարույր Սևակի տուն-թանգարանը համատեղ հայտարարել են «Եղիցի լույս. Սևակ-100» խորագիրը կրող մրցույթ՝ դպրոցների 8-12-րդ դասարանների աշակերտների և նախնական (արհեստագործական) և միջին մասնագիտական ուսումնական հաստատությունների ուսանողների համար: Մրցույթի նպատակն է հայ մեծանուն գրող Պարույր Սևակի գրական ժառանգության հանրահռչակումը, պատանիներին ու երիտասարդների շրջանում սևակյան ոգին առավել իրազեկ դարձնելը:

Մրցույթն կանցկացվի 2024 թ. հունվարի 15-21-ը ներառյալ:

Մրցույթի պայմաններն ու կանոններն են.

• հունվարի 15-ից 21-ը ներառյալ՝ ժամը 20:00-ին, ԿԳՄՍՆ ֆեյսբուքյան էջում (https://www.facebook.com/minESCSarm) կհրապարակվեն Պարույր Սևակի կենսագրությանը, ստեղծագործական կյանքին վերաբերող տարաբնույթ հարցեր,

• այն սովորողը, որն առաջինը մեկնաբանությունների հատվածում կտեղադրի օրվա հարցի ճիշտ պատասխանը, կհամարվի հաղթող,

• պատասխանը պետք է գրել հայատառ,

• պետք է գրել ֆեյսբուքյան անձնական էջից,

• արդեն իսկ հրապարակված տարբերակը ենթակա չէ խմբագրման, լրացման, փոփոխման,

• հրապարակված պատասխանում պետք է գրել նաև անուն, ազգանուն, մարզ, քաղաք/գյուղ, ուսումնական հաստատություն, դասարան/կուրս, մասնագիտություն,

• նշված կանոններին ու պայմաններին չհամապատասխանող պատասխանները չեն դիտարկվելու:

Օրվա հաղթողի անունը կհրապարակվի հաջորդ օրը՝ հարցի հետ զուգահեռ (ԿԳՄՍՆ ինստագրամյան էջում min.escs.arm):

Մրցույթը կամփոփվի բանաստեղծի ծննդյան օրը՝ հունվարի 24-ին: Հաղթողները կպարգևատրվեն ՀՀ կրթության, գիտության, մշակույթի և սպորտի նախարարության և Պարույր Սևակի տուն-թանգարանի խրախուսական նվերներով: