Գավառի համայնքապետարանի հետ համատեղ իրականացված «Ես կարող եմ օգնել» դրամաշնորհային ծրագրի շրջանակներում քոլեջում մեկնարկեց «Առաջին օգնություն» դասընթացների շարքը: Ծրագիրը նպատակ ունի տարածաշրջանի ուսումնական հաստատությունների և համայնքի բնակչության շրջանում ձևավորել առաջին մինչբժշկական օգնություն ցուցաբերելու հմտություններ ու կարողություններ:
Դասընթացն իրականացվեց դրամաշնորհային ծրագրի շնորհիվ ձեռք բերված խելացի գրատախտակի օգտագործմամբ, որը կնպաստի քոլեջի կրթության որակի բարելավմանը, ինչպես նաև համայնքի բնակչության՝ առողջապահական հիմնախնդիրների վերաբերյալ իրազեկվածության մակարդակի բարձրացմանը:Դասընթացին իրենց մասնակցությունը ցուցաբերեցին քոլեջի կառավարման խորհրդի անդամ և Գեղարքունիքի մարզպետի աշխատակազմի Առողջապահության և սոցիալական ոլորտի հարցերի վարչության պետ Լ. Վարդանյանը, համայնքապետարանի ներկայացուցիչներ, քոլեջի «Քույրական գործը վիրաբուժությունում» մոդուլի դասախոս Ա, Աթեյանը, Գավառի բժշկական կենտրոնի գլխավոր բուժքույր Ն. Մելքոնյանը, ՀՀ Գեղարքունիքի մարզի Գավառի Սամվել Քոչարյանցի անվան N 1 հիմնական դպրոց-ի և «ՀՀ Գեղարքունիքի մարզի Գավառի Ա. Իսահակյանի անվան Հ.4 հիմնական դպրոց» ՊՈԱԿ-ի ուսուցիչներ և աշակերտներ:
Քոլեջն իր խորին շնորհակալությունն է հայտնում Գավառի համայնքապետարանին, ի դեմս համայնքապետ Գ. Մարտիրոսյանի:
Լիահույս ենք, որ համագործակցությունը կլինի շարունակական և կծառայի ի նպաստ քոլեջի կրթության որակի բարելավմանը և համայնքի զարգացմանը:
