Գավառի պետական բժշկական քոլեջում կազմակերպված «Մասնագիտությունների օր» միջոցառման շրջանակում իրենց մասնագիտությունն արժանապատվորեն ներկայացրեցին նաև «Ատամնատեխնիկական գործ» մասնագիտության ուսանողները։
Նրանք ներկայացրեցին ատամների պատրաստման տեխնիկան, ցուցադրեցին մասնագիտական գործիքներն ու աշխատանքի առանձնահատկությունները՝ ներկաներին ծանոթացնելով ատամնատեխնիկի պատասխանատու և կարևոր աշխատանքին։Միջոցառման ընթացքում կազմակերպվեց նաև հետաքրքիր խաղ-վիկտորինա, որն անցավ դիմորդների ակտիվ մասնակցությամբ և բարձր տրամադրությամբ։
Ուսանողների նախաձեռնողականությունն ու գործնական ցուցադրությունները միջոցառումը դարձրեցին ուսուցողական, ճանաչողական և հիշարժան։
