🩺 «Քույրական գործ» մասնագիտություն

Գավառի պետական բժշկական քոլեջում կազմակերպված «Մասնագիտությունների օր» միջոցառման շրջանակում ներկայացվեց նաև «Քույրական գործ» մասնագիտությունը։

Ուսանողները ներկայացրեցին մասնագիտության կարևորությունն ու առանձնահատկությունները՝ ընդգծելով բուժքրոջ դերը առողջապահական համակարգում։ Միջոցառման ընթացքում ցուցադրվեցին ներարկումների տեսակները, իրականացվեցին վիրակապության հմտությունների ցուցադրություններ, ինչպես նաև ներկայացվեցին հիվանդների խնամքի կազմակերպման հիմնական սկզբունքները։

Գործնական ցուցադրությունների միջոցով ուսանողները ներկայացրեցին իրենց մասնագիտական գիտելիքներն ու կարողությունները՝ միջոցառումը դարձնելով ուսուցողական, հետաքրքիր և տպավորիչ։