Գավառի պետական բժշկական քոլեջի ուսանողներն ու դասախոսները ճանաչողական այց կատարեցին
Երևանի բուսաբանական այգի / Yerevan Botanical Garden` Հայաստանի բնության եզակի ու գիտական կարևոր կենտրոններից մեկը։
Այցի ընթացքում նրանք թանգարանում ծանոթացան ՀՀ տարածքի ժամանակակից ֆլորային, տարբեր տեսակի սնկերին և քարաքոսերին՝ բացահայտելով բնության բազմազանությունն ու գիտական արժեքը։
Այցը հետաքրքիր և ուսուցողական էր, որը նպաստեց ուսանողների բնագիտական գիտելիքների ընդլայնմանն ու բնության նկատմամբ հետաքրքրության խորացմանը։
Շրջայցը շարունակվեց ջերմատանը, որտեղ ուսանողները հնարավորություն ունեցան տեսնելու արևադարձային և մերձարևադարձային բույսերի հարուստ հավաքածուն, ծանոթանալու դրանց 
առանձնահատկություններին և աճեցման պայմաններին։
