Քույրական գործ

Միջին մասնագիտական կրթության 0913.01.5 «Քույրական գործ» մասնագիտության 0913.01.01.5 «Բուժքույր/ բուժեղբայր » որակավորման մասնագետն իրականացնում է հետևյալ զբաղմունքները`

1) Ընդհանուր պրակտիկայի բուժքույր/ բուժեղբայր

2) Թերապիայում քույրական գործ իրականացնող բուժքույր/ բուժեղբայր

3) Մանկաբուժությունում քույրական գործ իրականացնող բուժքույր/ բուժեղբայր

4) Վիրաբուժությունում քույրական գործ իրականացնող բուժքույր/ բուժեղբայր

5) Մանկաբարձությունում և գինեկոլոգիայում քույրական գործ իրականացնող բուժքույր/ բուժեղբայր

6) Վարակաբանությունում քույրական գործ իրականացնող բուժքույր/ բուժեղբայր

7) Նյարդաբանությունում քույրական գործ իրականացնող բուժքույր/ բուժեղբայր

8) Հոգեբուժությունում քույրական գործ իրականացնող բուժքույր/ բուժեղբայր

9) Մաշկաբանությունում և սեռավարակ հիվանդություններում քույրական գործ իրականացնող բուժքույր/ բուժեղբայր

10) Քիթ, կոկորդ, ականջի հիվանդություններում քույրական գործ իրականացնող բուժքույր/ բուժեղբայր

11) Ակնաբուժությունում քույրական գործ իրականացնող բուժքույր/ բուժեղբայր

12) Գերիատրիայում քույրական գործ իրականացնող բուժքույր/ բուժեղբայր

13) Վերակենդանացման և ինտենսիվ թերապիայում քույրական գործ իրականացնող բուժքույր/ բուժեղբայր

14) Վերականգնողական և ավանդական բժշկությունում քույրական գործ իրականացնող բուժքույր/ բուժեղբայր

Միջին մասնագիտական կրթության 0913.01.5 «Քույրական գործ »մասնագիտությամբ 0913.01,01.5 « Բուժքույր/ բուժեղբայր » որակավորմամբ մասնագետի մասնագիտական պարտականություններն են .

1) Ստացիոնարի և պոլիկլինիկայի պայմաններում ըստ բժշկի նշանակումների` տարբեր սեռատարիքային խմբերի պացիենտների հետ ախտորոշիչ, բուժական, վերակենդանացման, վերականգնողական, կանխարգելիչ, բուժառողջարանական, սանիտարահիգինիկ միջոցառումների կատարում,

2) Հիվանդների խնամքի ժամանակ քույրական գործընթացի փուլերի իրականացում և փաստաթղթերով հիմնավորում,

3) Ստացիոնար և տնային պայմաններում քույրական խնամքի կազմակերպում և իրականացում

4) Ծանր և սահմանային վիճակում գտնվող հիվանդների և տուժածների վիճակի գնահատում և առաջնային ախտանիշների ու համախտանիշների տարբերակում,

5) Կոնկրետ հիվանդի պարագայում դեղամիջոցների արդյունավետության գնահատում, դեղորայքային թունավորման ժամանակ նախաբժշկական օգնության ցուցաբերում,

6) Հիվանդին լաբորատոր, ֆունկցիոնալ և գորշիքային հետազոտություններին նախապատրաստում

7) Ֆիզիոթերապևտիկ գործողությունների հիմնական տեսակների կատարում, հոգեթերապիայի տարրերի օգտագործում, բժշկի նշանակած սննդակարգի պահպանման նկատմամբ հսկողություն,

8) Առողջության պահպանման և ամրապնդման համար առանձին անհատների, ընտանիքների և բնակչության խմբերի կրթմանն ու ուսուցմանն ուղղված կանխարգելման համալիր ծրագրերի պլանավորում և գնահատում,

9) Դեղամիջոցների ստացման, պահպանման և օգտագործման դեղագործական կարգի պահպանման նկատմամբ հսկողություն,

10) Բժշկական փաստաթղթերի վարում

11) Ինֆեկցիոն հսկողության պահանջների կատարում, հիվանդների և բուժանձնակազմի ինֆեկցիոն անվտանգության պահպանում,

12) Բնակչության, հիվանդների, տուժածների, բուժանձնակազմի պաշտպանությանը վերաբերող միջոցառումների անցկացում,

13) Գործիքների նախապատրաստում բժշկի կողմից բարդ միջամտությունների կատարման ժամանակ,

14) Հիվանդների նախապատրաստում ախտորոշիչ հետազոտությունների և շտապ վիրահատությունների,

15) Նյութերի հավաքում, տեղափոխում և պահպանում մանրէաբանական հետազոտության համար,

16) Քույրական միջամտությունների կատարում,

17) Հիվանդությունների կանխարգելում,

18) Բժշկի ախտորոշիչ և բուժական նշանակումների կատարում,

19) Հիվանդների համալիր խնամք:

Միջին մասնագիտական կրթության 0913.01.5 «Քույրական գործ » մասնագիտությամբ 0913.01,01.5 « Բուժքույր/ բուժեղբայր » որակավորման հիմնական կրթական ծրագրով շրջանավարտը պետք է`

1) Ունենա մասնագիտական գործունեության տվյալ բնագավառում իր մասնագիտական դերին անհրաժեշտ կարողությունները ձևավորելու համար պահանջվող տեսական ու գործնական գիտելիքներ,

2) Դրսևորի աշխատանքային և մասնագիտական պարտականությունները կատարելու ընթացքում գործընկերների և ղեկավարների հետ հաղորդակցվելու, մասնագիտական և ընդհանուր բնույթի հարցեր ներկայացնելու , դրանք պարզաբանելու կարողություն,

3) Ունենա որոշակի փոփոխվող իրավիճակներում առաջացած խնդիրներին մասնագիտական տիպային և այլընտրանքային լուծումներ առաջարկելու կարողություն,

4) Դրսևորի մասնագիտական խնդիրների լուծման համար անհրաժեշտ փաստերը և տեղեկատվությունը համադրելու և ամբողջության մեջ դիտարկելու, ինչպես նաև քաղաքացիական գիտակցություն ցուցաբերելու կարողություն,

5) Ունենա մասնագիտական գործունեության գործառույթները ՀՀ օրենսդրությամբ սահմանված նորմերին համապատասխան իրականացնելու հմտություններ,

6) Ցուցաբերի իր և աշխատակիցների (առկայության դեպքում) մասնագիտական կարիքները գնահատելու և դրանց կարգավորման վերաբերյալ առաջարկություններ ներկայացնելու կարողություն,

7) Ունենա մասնագիտական կարողությունների պարբերաբար կատարելագործման ձգտում և ինքնուսուցման կարողություն,

8) Ցուցաբերի մասնագիտական և ընդհանուր բնույթի անհրաժեշտ տեղեկատվություն փնտրելու, դրանցից օգտվելու և դրանք նպատակին օգտագործելու կամ փոխանցելու կարողություն,

9) Ունենա աշխատակիցների (առկայության դեպքում) աշխատանքները կազմակերպելու կամ գործընկերային հարաբերությունները (լիազորության դեպքում) ըստ կարողությունների և մասնագիտացման համակարգելու հմտություններ,

10) Ընթացիկ մասնագիտական խնդիրների լուծման ժամանակ ցուցաբերի ռազմավարական մոտեցումների տարրեր կիրառելու կարողություն: