Գավառի պետական բժշկական քոլեջում Էմսուհի Սարգսյան-ի նախաձեռնությամբ անցկացվեց «Արյուն։ Արյան գործառույթներ» թեմայով ուսուցողական հանդիպում, որին մասնակցեցին Կարմիրգյուղի 2-րդ միջնակարգ դպրոցի աշակերտները։ Այս նախաձեռնությամբ քոլեջն օժանդակեց աշակերտներին իրենց նախագծային աշխատանքի իրականացման գործում։
Հանդիպման ընթացքում ներկայացվեց արյան խմբերը, ինչպես նաև գործնականում ցուցադրվեց արյան խմբի որոշման ընթացքը, պլազմայի կիրառության առանձնահատկությունները, դոնորության կարևորությունը՝ ընդգծելով, որ արյան դոնորությունը պատասխանատու քայլ է, որն իրականում կարող է կյանքեր փրկել։Հանդիպումը նպաստեց աշակերտների իրազեկվածության բարձրացմանը և դոնորության մշակույթի ճիշտ ընկալմանը։
