«Վիզուալ Հայաստան» հիմնադրամի կողմից իրականացվող «ՍԷԱԴ 2026» մրցութային ծրագրի շրջանակում, Գավառի պետական բժշկական քոլեջում իրականացվում է «Գավառագետի աղտոտվածության ազդեցությունը անհատի առողջության վրա» թեմայով հետազոտական աշխատանք։
Ծրագրում ներգրավված դասախոսներն ու ուսանողները Գավառագետի մուտքի և գետաբերանի հատվածներից իրականացրել են ջրի նմուշառում՝ արձանագրելով նմուշառման ամսաթիվն ու տեղանքը։
Հետազոտության շրջանակում մասնակիցները փորձեցին ուսումնասիրել ջրի աղտոտվածության հնարավոր պատճառները և բացահայտել դրա վրա ազդող հիմնական գործոնները՝ կարևորելով շրջակա միջավայրի և մարդու առողջության փոխկապակցվածության ուսումնասիրությունը։
